“NEÝRO TEHNOLOGIÝALARYŇ ETIKASY” ATLY WEBINAR
2025-nji ýylyň 3-nji dekabrynda ÝUNESKO-nyň garamagyndaky Dördünji Halkara ÝUNESKO Modeline taýýarlyk maksatnamasynyň çäklerinde dünýäniň dürli ýurtlaryndaky ÝUNESKO klublarynyň wekilleriniñ we ýaşlaryň gatnaşmagynda “Neýro tehnologiýalaryň etikasy” atly halkara onlaýn webinary geçirildi. Webinar ÝUNESKO-nyň Neýro tehnologiýalaryň etikasy baradaky maslahatynyň (Samarkant, 30 oktýabr – 13 noýabr 2025) kabul edilmeginden soň, ugurdaş gatnaşyklary we global tehnologik ösüşleriň jemgyýete ýetirýän täsirlerini öwrenmek maksady bilen guraldy.
Webinaryň dowamynda çykyş eden halkara hünärmenler neýro tehnologiýalaryň gazanan üstünlikleri bilen birlikde, olaryň adam hukuklaryna, şahsy maglumat goraglylygyna, adam mertebesine, ýol howpsuzlygyna ýetirýän täsirini jikme-jik düşündirdiler.
Şeýle-de gatnaşyjylara Hong Kong şäherinde 2025-nji ýylyň 12–15-nji dekabry aralygynda geçiriljek ÝUNESKO Modeliniň jemleýji tapgyry barada taýýarlyk işleri hakynda hem maglumat berdiler. Dördünji ÝUNESKO Modeliniň jemleýji tapgyryna 33 ýurtdan saýlanyp alnan 32 sany ýaş wekil halkara debatlara gatnaşar we “Iň gowy başlangyç”, “Iň oňat çykyş eden wekil” we “Iň gowy taslama prezentasiýasy” ýaly nominasiýalar boýunça sylaglanar.
Webinaryň ahyrynda ýaşlara ýörite taýýarlanan programmanyň goşmaça aýratynlyklary barada maglumat berlip, ÝUNESKO-nyň halkara hyzmatdaşlygyny pugtalandyrmakda ýaşlaryň möhüm ornunyñ bardygy bellenildi.
Aýgözel ÖWEZOWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň uly mugallymy.