Korrupsiýa garşy göreşmek boýunça onlaýn maslahat
2023-nji ýylyň 17-nji aprelinde
Türkmenistanyň Daşary işler ministrliginiň Halkara gatnaşyklary institutynda
korrupsiýa garşy göreşmek boýunça onlaýn maslahat geçirildi. Maslahata
Ýewropada Howpsuzlyk we Hyzmatdaşlyk Guramasynyň wekilleri, institutyň
mugallymlardyr talyplary gatnaşdylar. Maslahatyň esasy maksady korrupsiýa garşy
göreşmek strategiýasyny taýýarlamak we ony durmuşa geçirmek boýunça ÝHHG-nyň
öňdebaryjy tejribesi bilen tanyşdyrmakdan ybarat boldy. Maslahatyň
dowamynda çykyş eden halkara bilermenler korrupsiýa garşy göreşmek boýunça
halkara tejribesiniň esasynda anyk mysallara ýüzlenip, Türkmenistanyň bu ugurda
alyp barýan işlerine aýratyn üns berdiler.
Berkarar döwletiň täze eýýamynyň
Galkynyşy döwründe korrupsiýa garşy göreşmek, korrupsiýa bilen bagly hukuk
bozulmalaryny duýdurmak, ýüze çykarmak, olaryň öňüni almak we üstüni açmak
barada çäreler giňden alnyp barylýar. Bu ugurda dünýä tejribesine laýyk gelýän
işler amala aşyrylýar. Häzirki wagtda Türkmenistanda hem korrupsiýany
hemmetaraplaýyn aýyrmak, korrupsiýasyz aýdyň durmuş howpsuzlygyny goramak
barada birnäçe işler alnyp barylýar. Korrupsiýany ýok etmek, geljekki nesillere
korrupsiýasyz durmuş döretmek barada maslahatlar, wagyz-nesihat çäreleri hem
geçirilýär. Maslahatyň dowamynda bular barada aýratyn nygtaldy.
Durdymyrat ŞYHMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultediniň
I ýyl talyby.