Ilçi bilen geçirilen duşuşyk
2025-nji ýylyň 17-nji martynda Türkmenistanyň Daşary işler ministrliginiň
Halkara gatnaşyklary institutynda Estoniýa Respublikasynyň Türkmenistandaky
Adatdan daşary we Doly ygtyýarly ilçisi Ýaap Oran bilen Türkmenistanyň Daşary
işler ministrliginiň Halkara gatnaşyklary institutynyň rektory G.Ýusupowanyň
arasynda duşuşyk geçirildi. Duşuşykda taraplar ylym-bilim ulgamynda alnyp
barylýan türkmen-eston gatnaşyklary we bu ugurdaky hyzmatdaşlygy ösdürmek
boýunça özara pikir alyşdylar.
Duşuşykdan soňra Estoniýa Respublikasynyň ilçisi türkmen
diplomatiýasynyň milli mekdebine aýlanyp, institutda ýerleşýän Türkmen
diplomatiýasynyň taryhy muzeýi, institutyň «Parahatçylyk medeniýeti» atly
ÝUNESKO kluby, şeýle hem geljekki halkaraçy hünärmenleri taýýarlamakda
alnyp barylýan işler bilen tanyşdy.
Soňra Estoniýa Respublikasynyň Türkmenistandaky Adatdan daşary we
Doly ygtyýarly ilçisi «Эстония в мире» mowzugy boýunça institutyň talyp
ýaşlaryna sapak geçdi. Ilçi Estoniýa Respublikasynyň taryhy, medeniýeti, onuň
ykdysady ösüşi, şol sanda iki ýurduň arasynda syýasy-diplomatik, söwda-ykdysady
we medeni-ynsanperwer ugurlarda alnyp barylýan hyzmatdaşlyk barada giňişleýin
gürrüň berdi.
Duşuşygyň guralmagy alnyp barylýan türkmen-eston gatnaşyklarynyň
ösmegine we türkmen diplomatiýasynyň milli mekdebinde bilim alýan ýaşlaryň
halkara gatnaşyklary we diplomatiýa ulgamynda bilimlerini has-da artdyrmaga
ýardam etjekdigi ikuçsuzdyr.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
III ýyl talyby.