"Hünärim-buýsanjym" atly sergi bäsleşigi geçirildi
2022-nji ýylyň 21-22-nji oktýabrynda Türkmenistanyň Daşary işler ministrliginiň Halkara gatnaşyklary institutynda Magtymguly adyndaky Ýaşlar guramasynyň, şeýle hem institutyň “Ýaş alymlar geňeşiniň”, “Ýaş hukukçylar” ylmy gurnagynyň gurnamagynda ähli fakultetleriň talyp ýaşlarynyň arasynda Birleşen Milletler Guramasynyň 77 ýyllygy mynasybetli “Hünärim - buýsanjym” atly sergi bäsleşigi geçirildi. Bäsleşigiň netijesi talyp ýaşlaryň, şeýle hem bu sergä gatnaşan mekdep okuwçylarynyň ses bermegi esasynda jemlendi. Netijede Halkara hukugy fakulteti sesleriň köplügi bilen 1-njy orna mynasyp boldy. Şeýle bäsleşikleriñ geçirilmegi talyplaryñ hünärlerine bolan söýgülerini artdyrmakda, ussat hünärmenler bolup ýetişmeklerinde uly ähmiýete eýedir.
Leýli ARAPOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby
Şeýle hem bu barada şu ýerden okap bilersiňiz:
“Sergä gatnaşmak meniň üçin uly bagt”
https://turkmengazet.com/bmg-nin-77-yyllygyna-bagyslanan-sergi-baslesigi-gecirildi/