HALYPALAR BILEN DÖREDIJILIK DUŞUŞYGY GEÇIRILDI
2023-nji ýylyň 11-nji fewralynda Türkmenistanyň Daşary işler ministrliginiň Halkara gatnaşyklary institutynyň "Ýaş žurnalistler” ylmy-döredijilik gurnagynyň gurnamagynda “Bütindünýä radio” güni mynasybetli ýurdumyzda hereket edýän teleradioýaýlymlarynyň halypa işgärleri bilen döredijilik duşuşygy geçirildi. Oňa Türkmenistanyň Telewideniýe, radiogepleşikler we kinematografiýa baradaky döwlet komitetiniň “Miras” teleradioýaýlymynyň “Miras” radioýaýlymynyň tolkuna goýberiş bölüminiň jogapkär kätibi, Türkmenistanyň at gazanan medeniýet işgäri Nurjahan Saparowa, “Watan” radioýaýlymynyň gepleşikleri gurnaýjysy we taýýarlaýjysy, žurnalist Aýperi Baýlyýewa, “Miras” teleradioýaýlymynyň “Terjime” bölüminiň terjimeçisi, žurnalist Akmyrat Baýlyýew dagylar gatnaşdylar.
Myhmanlar söhbetdeşlikde türkmen radiosynyň taryhyna degişli gyzykly gürrüňleri, şu döwre çenli edilen işleri, gepleşikler, söhbetdeşlikler dogrusynda giňişleýin gürrüň berdiler. Häzirki döwürde ýurdumyzyň içeri we daşary syýasatynyň ösüşi dogrusynda gyzgyny bilen taýýarlanylýan reportažlar hakynda-da aýratyn durup geçdiler.
Geljekki halkaraçy žurnalistler özlerini gyzyklandyrýan sowallaryna degerli jogaplary aldylar.
“Bütindünýä radio” gününe bagyşlanan duşuşyk gyzykly hem manyly geçdi.
Bägül KAKALYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
Syýasy kommunikasiýa we internet
žurnalistikasy
hünäriniň II ýyl talyby.
Şeýle hem bu barada şu ýerden okap bilersiňiz: