Halypa şahyrlary ýatlap
Türkmenistanyň Bilim ministrliginiň guramagynda Aşgabat şäheriniň 140-ýyllygy mynasybetli “Ylhamlara ylham goşan Aşgabat” ady bilen Ylham seýilgähindäki meşhur şahsyýetleriň döredijilik mirasyna bagyşlanan orta we ýokary okuw mekdepleriniň uçurumlarynyň gatnaşmagynda teatrlaşdyrylan çykyşlar yzygiderli gurnalýar.
2021-nji ýylyň 17-nji maýynda Türkmenistanyň Daşary işler ministrliginiň Halkara gatnaşyklary institutynyň talyplary seýilgähde heýkelleri oturdylan türkmen edebiýatynyň meşhur şahsyýetleri Beki Seýtäkowyň “Tylla seniň yşkyňda” powestinden, Mämmet Seýidowyň “Durun mukamy” poemasyndan, şeýle hem Aman Kekilowyň “Söýgi” romanyndan bölekleri sahnalaşdyrdylar. Agzalan eserlerdäki gahrymanlaryň keşbini döredip, olaryň içki ahwalyny beýan etmeklik talyplaryň döredijilige bolan höweslerini, hyjuw we jogapkärçilik duýgularyny has-da artdyrdy. Talyplaryň çykyşlary özüniň täsirliligi bilen tapawutlandy.
Gurbanjemal EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.