HALYPA-ŞÄGIRTLIK DÖREDIJILIK DUŞUŞYGY
2023-nji ýylyň 19-njy aprelinde Erkin döredijilik mekanynda Arkadag Serdarly bagtyýar ýaşlar ýyly mynasybetli Türkmen döwlet neşirýat gullugynyň guramagynda halypa-şägirtlik duşuşygy geçirildi. Duşuşyga metbugat ulgamynda zähmet çekýän halypa žurnalistler, ýazyjy-şahyrlar, çeper döredijilik bilen gyzyklanýan ýaşlar, Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň, Türkmenistanyň Daşary işler ministrliginiň Halkara gatnaşyklary institutynyň, Türkmen döwlet bedenterbiýe we sport institutynyň, Türkmen döwlet medeniýet institutynyň žurnalistika hünäri boýunça bilim alýan talyplary gatnaşdylar.
Duşuşygyň dowamynda çykyş eden döredijilik ussatlary, halypalar döredijiligiň inçe syrlary, ýurdumyzda bolup geçýän syýasy, medeni köpçülikleýin wakalaryň metbugat sahypalarynda, teleradioýaýlymlarda şöhlelendirilişi, türkmen žurnalistikasynyň ösüşi we halypa-şägirtlik gatnaşyklary, döwlet tarapyndan ýaşlara bildirilýän ynam, berilýän üns-aladalar, öňde duran möhüm wezipeler barada giňişleýin gürrüň etdiler.
Duşuşygyň ahyrynda ýurdumyzyň köpçülikleýin habar beriş serişdeleriniň ösüşine we bu ugurda ýaşlara döredilýän mümkinçilikler üçin Gahryman Arkadagymyza, Arkadagly Serdarymyza alkyş sözleri aýdyldy.
Güljemile DÄDEBAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.
https://turkmenportal.com/blog/60754
https://orient.tm/ru/post/51591/turkmenskaya-izdatelskaya-sluzhba-organizovala-vstrechu-avtorov-v-centre-svobodnogo-tvorchestva