HALKARA YLMY-TASLAMA BÄSLEŞIGINDE GAZANYLAN ÜSTÜNLIK
2023-nji ýylyň 7-nji iýunynda Daşky gurşawy goramagyň bütindünýä güni mynasybetli S.A.Nyýazow adyndaky Türkmen oba hojalyk uniwersitetiniň guramagynda «Durnukly ösüşiň maksatlaryna ýetmekde ýaşlaryň orny» atly halkara ylmy-taslama bäsleşigi geçirildi. Oňa Türkmenistanyň Daşary işler ministrliginiň Halkara gatnaşyklary institutyndan hem talyplar gatnaşdy. Şol sanda Halkara ykdysady gatnaşyklary fakultetiniň II ýyl talyby Şeker Batyrowa, şol fakultetiň III ýyl talyby Bilbil Berdiýewa gatnaşyp, II orna mynasyp boldular.
Halkara bäsleşige Türkiýäniň, Özbegistanyň, Gazagystanyň, Russiýa Federasiýasynyň, Belarus Respublikasynyň, Malaýziýanyň, Wengriýanyň hem-de Niderlandlar Patyşalygynyň abraýly ýokary okuw mekdepleriniň talyplarydyr professor-mugallymlary işjeň gatnaşdylar.
Talyp deň-duşlarymyzyň bu üstünlikleri bizi has-da buýsandyrýar we olara okuwlarynda üstünlik arzuw edýäris.
Ogulşat GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
III ýyl talyby.