HALKARA ÝAŞLAR FORUMY GEÇIRILDI
2021-nji ýylyň 7-8-nji aprelinde BMG-niň Ykdysady we durmuş geňeşiniň guramagynda Ýaşlar forumy geçirildi. Wideoaragatnaşyk arkaly geçirilen bu foruma Türkmenistanyň Magtymguly adyndaky Ýaşlar guramasynyň wekilleri, Durnukly ösüş maksatlarynyň ýaş ilçileri bäsleşiginiň ýeňijileri we beýlekiler gatnaşdy. Onuň esasy maksady COVID-19 keseliniň Durnukly ösüş maksatlarynyň amala aşyrylyşyna ýetirýän ýaramaz täsiri boýunça pikir alyşmak boldy.
Ýaşlar forumynyň barşynda Ykdysady we durmuş geňeşiniň ýolbaşçysy, Birleşen Milletler Guramasynyň Baş Assambleýasynyň 75-nji mejlisiniň başlygy, Birleşen Milletler Guramasynyň Baş sekretary, Birleşen Milletler Guramasynyň Baş sekretarynyň ýaşlar baradaky wekili we beýleki ýokary derejeli adamlar çykyş etdiler. Olar öz çykyşlarynda ýaşlaryň ykdysadyýetde, jemgyýetçilik durmuşynda, innowasiýalaryň işlenilip taýýarlanylmagynda we ornaşdyrylmagynda ägirt uly güýç hasaplanylýandygyny nygtadylar.
Forum tejribe alyşmak we ara alyp maslahatlaşmak üçin özboluşly meýdança öwrüldi.
Gapbar HALLYÝEW,
Türkmenistanyň Daşary işler ministrliginiň
Halkara gatnaşyklary institutynyň mugallymy.