Halkara epidemiýa garşy taýýarlyk güni
Epidemiýalara üstünlikli jogap bermek adamlaryň, jemgyýetleriň we döwletleriň, sebit we halkara guramalaryň arasynda hyzmatdaşlygy we raýdaşlygy talap edýär. BMG-niň Baş Assambleýasy, COVID -19 pandemiýasyndan netije çykarmak we geljekde ýüze çykyp biljek epidemiýalara taýýarlykly bolmak maksady bilen, ýörite karar kabul etdi. Ýagny, her ýylyň 27-nji dekabry Halkara epidemiýa garşy taýýarlyk güni hökmünde yglan edildi.
Birleşen Milletler Guramasy, hususan-da Bütindünýä Saglyk Guramasy epidemiýalara garşy çäreleri utgaşdyrmakda, olaryň öňüni almakda we azaltmak boýunça milli, sebitleýin we halkara tagallalary goldamakda esasy orun eýeleýär.
Epidemiýanyň öňüni almak we oňa garşy göreşmek ähli derejedäki epidemiýa bilen baglanyşykly meseleler boýunça habarlylygy ýokarlandyrmak, epidemiýa bilen baglanyşykly meseleler boýunça düşündiriş işlerini ösdürmekden ybarat.
Bägül SAPARMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.