Durnukly ösüş üçin bilim babatynda Merkezi Aziýa sebitara maslahaty geçirildi
2023-nji ýylyň 4-nji aprelinde onlaýn görnüşde geçirilen Durnukly ösüş üçin bilim babatynda Merkezi Aziýa sebitara maslahatyna Türkmenistanyň Daşary işler ministrliginiň Halkara gatnaşyklary institutynyň Dünýä dilleri kafedrasynyň uly mugallymy Mähriban Gelenowa gatnaşdy. Bu maslahat Birleşen Milletler Guramasynyň ylym, bilim we medeniýet baradaky guramasynyň (UNESCO) Aziýa we Ýuwaş Umman sebiti boýunça Býurosy (Bangkok şäheri) tarapyndan gurnaldy. Maslahata Türkmenistanyň dürli pudaklaryndan hem wekiller (onlaýn) gatnaşdylar. Şeýle-de bu maslahata Merkezi Aziýa sebitiniň döwletlerinden bilim ugrunda işleýän hünärmenler hem gatnaşyp, olaryň hersi özlerine degişli temalar boýunça çykyş etdiler. Duşuşygyň dowamynda ussat hünärmenler Durnukly ösüş maksatlaryna ýetmek üçin bilimi 2030-njy ýyla çenli ösdürmek boýunça strategiýany işläp düzmegiň zerurdygyny nygtap geçdiler. Hünärmenler soňra bu strategiki ösüş meýilnamany ýerine ýetirmek üçin özlerini gyzyklandyrýan birnäçe soraglary ara alyp maslahatlaşdylar hem-de ýurtlaryň ösüşinde bilimi ösdürmegiň wajypdygyny nygtap geçdiler.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.