Durnukly Ösüş Maksatlary boýunça iş maslahaty
2022-nji ýylyň 5-nji dekabrynda Türkmenistanyň Maliýe we ykdysadyýet ministrliginiň gurnamagynda Birleşen Milletler Guramasynyň Türkmenistandaky wekilhanasynda Durnukly Ösüş Maksatlary boýunça iş maslahaty geçirildi. Maslahata Durnukly Ösüş Maksatlarynyň Ýaş ilçileri we ýurdumyzyň degişli ýokary okuw mekdepleriniň talyplary gatnaşdylar. Maslahatyň dowamynda oňa gatnaşyjylar degişli ugurlar boýunça pikir alşyp, ýurdumyzyň nobatdaky Milli meýletin synyny taýýarlamaga ýardam berdiler. Maslahatyň ahyrynda gatnaşyjylar bilelikde ýadygärlik surata düşdüler.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň II ýyl talyby,
Durnukly Ösüş Maksatlarynyň Ýaş ilçisi.