Durnukly ösüş maksatlary boýunça bäsleşik
2021-nji ýylyň 15-nji noýabrynda Türkmenistanyň Daşary işler ministrliginiň Halkara gatnaşyklary institutynda Dünýä dilleri kafedrasynyň “Lingvo World” gurnagynyň guramagynda institutyň ähli fakultetleriniň birinji we ikinji ýyl talyplarynyň, şeýle hem 76-njy orta mekdebiň okuwçylarynyň gatnaşmagynda “Durnukly ösüş maksatlaryna ýetmekde ýaşlaryň orny” atly zehin bäsleşigi geçirildi. Bäsleşik iňlis dilinde geçirildi. Bäsleşigiň maksady – talyplaryň we okuwçylaryň dil endiklerini, esasanam olaryň sözleýiş endiklerini, Durnukly ösüş maksatlary barada olaryň bilimlerini ýokarlandyrmak, analitiki we tankydy pikirlenişini ösdürmek.
Bäsleşikde dört topar, her fakultetden bir topar we her topara iki mekdep okuwçysynyň gatnaşmagynda aşakdaky görkezilen şertler boýunça bäsleşdiler:
1) Durnukly ösüş maksatlarynyň biri barada prezentasiýa bilen çykyş etmek;
2) Türkmenistanyň Hormatly Prezidentiniň “Türkmenistan Durnukly ösüşiň maksatlaryna ýetmegiň ýolunda” atly kitabyndan parçalary terjime etmek;
3) iňlis dilinde saýlap alan durnukly ösüş maksady barada gürrüň etmek we şol maksada ýetmek üçin teklipler bermek.
Dünýä dilleri kafedrasynyň mugallymlaryndan düzülen emin agzalary ýeňijileri yglan etmekde öran adalatly çemeleşdiler. Netijede, 1-nji orna Halkara hukugy fakultetiniň topary, 2-nji orna Halkara ykdysady gatnaşyklary fakultetiniň topary, 3-nji orna Halkara gatnaşyklary fakultetiniň topary mynasyp boldy.
Güljahan Garlyýewa,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.