Birleşen Milletler Guramasynyň güni mynasybetli bäsleşik geçirildi
2022-nji ýylyň 24-nji oktýabrynda Birleşen Milletler Guramasynyň güni mynasybetli Türkmenistanyň Daşary işler ministrliginiň Halkara gatnaşyklary institutynyň “Ýaş alymlar geňeşiniň”, “Ýaş hukukçylar” ylmy gurnagynyň we Magtymguly adyndaky Ýaşlar guramasynyň gurnamagynda bäsleşik geçirildi.
Bäsleşige institutyň Halkara gatnaşyklary we diplomatiýa, Halkara hukugy, Halkara ykdysady gatnaşyklary we Halkara žurnalistikasy fakultetleriniň 2-nji, 3-nji ýyl talyplaryndan düzülen 8 sany talypdan ybarat bolan toparlar gatnaşdy. Bu bäsleşik jemi 4 tapgyrdan ybarat boldy. Bäsleşik türkmen dilinde geçirildi.
Bäsleşikde 3-nji ýyllardan düzülen topar ýeňiş gazandy. Ýeňijiler we bäsleşige gatnaşyjylar Türkmenistanyň Magtymguly adyndaky Ýaşlar guramasynyň Merkezi Geňeşi, Türkmenistanyň Daşary işler ministrliginiň Halkara gatnaşyklary institutynyň “Ýaş alymlar geňeşiniň”, “Ýaş hukukçylar” ylmy gurnagynyň degişli diplomlary, hormat hatlary we ýadygärlik sowgatlary bilen sylaglandylar.
Türkmenistan dünýäniň ähli döwletleri bilen parahatçylykly, dostlukly we özara bähbitli gatnaşyklaryň ösmegine ýardam etmek ýörelgelerine eýerýär. Birleşen Milletler Guramasynyň güni mynasybetli geçirilen bu bäsleşik talyplaryň ylymyny we bilimini artdyrmakda, olaryň arasynda agzybirligi, dost-doganlygy berkitmekde örän uly ähmiýete eýedir.
Amanbagt USSAÝEWA,
Türkmenistanyň Daşary işleri ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.