Beýik şahyra uly hormat
2022-nji ýylyň 27-nji dekabrynda Türkmenistanyň Daşary işler ministrliginiň Halkara gatnaşyklary institutynyň Žurnalistikanyň nazaryýeti we amalyýeti kafedrasy bilen “Ýaş žurnalistler” ylmy-döredijilik gurnagynyň guramagynda Halkara žurnalistikasy fakultetiniň 1-nji ýyl talyplarynyň arasynda Magtymguly Pyragynyň goşgularyny çeper okamak boýunça döredijilik bäsleşigi geçirildi. Talyplar Magtymguly Pyragynyň goşgularyny labyzly okap bermek boýunça öz çeper okaýyşlary bilen bäsleşdiler. Gyzykly hem-de täsirli geçen bäsleşikde Halkara žurnalistikasy hünariniň talyplary üstünlikli çykyş edip öňe saýlanmagy başardylar. Şeýle döredijilik bäsleşikleriniň geçirilmegi beýik şahyr Magtymguly Pyragynyň galdyran ajaýyp şygyrlarynyň dowamat dowamdygyny subut edýär.
Türkmen edebiýatymyzyň ösüşine goşant goşan görnükli ýazyjy şahyrlarymyz bilen bagly dürli bäsleşikleriň geçirilmegine mümkinçilikleri döredýän Gahryman Arkadagymyzyň, hormatly Prezidentimiziň janlary sag, başlary belent bolsun, alyp barýan aýdyň maksatly işleri rowaçlyklara beslensin!
Peristan TÖRÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.