ASTRAHAN DÖWLET UNIWERSITETINIŇ REKTORY BILEN DUŞUŞYK GEÇIRILDI
2026-njy ýylyň 31-nji martynda Russiýa Federasiýasynyň W.N.Tatişew adyndaky Astrahan döwlet uniwersitetiniň rektory Igor Alekseýew we Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowanyň arasynda duşuşyk geçirildi.
Duşuşykda taraplar ýokary bilim ulgamynda hyzmatdaşlygy ösdürmek, talyplaryň we mugallymlaryň arasynda tejribe alyşmak, şeýle hem bilelikdäki ylmy barlaglary alyp barmak meselelerini ara alyp maslahatlaşdylar.
Duşuşygyň ahyrynda türkmen diplomatiýasynyň taryhy muzeýine gezelenç guraldy. Gezelenjiň dowamynda wekiliýet agzalary institutyň taryhy, gazanan üstünlikleri we häzirki wagtda alyp barýn işleri bilen tanyşdylar.
Duşuşygyň netijeleri iki ýokary okuw mekdebiniň arasynda akademiki hyzmatdaşlygyň ösdürilmegine oňyn täsirini ýetirdi.
Mähri DURDYNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 1-nji ýyl talyby.