Ähliumumy ýaşyl ösüş instituty
2023-nji ýylyň 23-nji martynda Türkmenistanyň Daşary işler ministrliginiň Halkara gatnaşyklary institutynda Türkmen diplomatiýasynyň möhüm ugurlarynyň biri bolan energetika diplomatiýasynda Ähliumumy ýaşyl ösüş instituty barada okuw sapagy geçirildi. Ähliumumy ýaşyl ösüş instituty 2012-nji ýylyň 20-nji iýunynda BMG-nyň Rio-de-Žaneýroda geçirilen Durnukly ösüş konferensiýasynda döredildi. Häzirki wagtda institut dünýäniň 30-dan gowrak ýurdunda 54 taslamany durmuşa geçirýär.
2023- nji ýylyň 23-nji fewralynda Türkmenistanyň Daşary işler ministri Raşid Meredow Daşary işler ministrliginde Ähliumumy ýaşyl ösüş institutynyň baş direktory Frank Riisberman bilen duşuşdy. Netijeli halkara daşky gurşaw gepleşiklerini güýçlendirmek çarçuwasynda Türkmenistan hökümeti döwletiň ykdysady bähbitlerini degişli derejede ekologiýa deňagramlylygyny saklamak zerurlygy bilen birleşdirmäge uly üns berýär.
Hudaýberdi ROZYKOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.