Ylmy-döredijilik maslahaty geçirildi
2026-njy ýylyň 3-nji aprelinde Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň guramagynda Merkezi Aziýa ýurtlarynda parahatçylygy we howpsuzlygy gorap saklamakda parlament diplomatiýasynyň ähmiýeti” atly ylmy-döredijilik maslahaty geçirildi. Ony Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň uly mugallymy D.Ballyýewa alyp bardy.
Ylmy-döredijilik maslahatda Türkmenistanyň Mejlisiniň Halkara we parlamentara aragatnaşyklar baradaky komitetiniň deputaty Merdan Tuwakow çykyş edip, parlament diplomatiýasynyň orny, döwletara hyzmatdaşlygy saklamakda we berkitmekde dialogyň ähmiýeti hem-de abadan geljegi gurmakda ýaş nesilleriň raýdaşlygynyň ähmiýeti bilen bagly meselelere seredildi.
Häzirki döwürde Türkmenistan halkara Parlament guramalary, şol sanda Parlamentara Bileleşik, ÝHHG-niň Parlamentara Assambleýasy, Garaşsyz Döwletleriň
Arkalaşyklarynyň Parlamentara Assambleýasy bilen hyzmatdaşlygy işjeň ösdürýär. Soňky ýyllarda ýurdumyzda ikitaraplaýyn we köptaraplaýyn görnüşde parlamentara hyzmatdaşlygyň täze gurallary işlenip taýýarlandy. Türkmenistan oňyn Bitaraplyk, parahatsöýüjilik, hoşniýetli goňşuçylyk we özara bähbitli hyzmatdaşlyk ýörelgelerine esaslanýan daşary syýasy ugry durmuşa geçirmek bilen, parlament diplomatiýasynyň gurallaryndan netijeli peýdalanmaga uly ähmiýet berýär.
Halkaraçy hünärmenler üçin bu ylmy-döredijilik maslahaty örän täsirli boldy. Onda talyplar özlerini gyzyklandyrýan sowallara jogaplary tapdylar.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.