Ykdysady diplomatiýa ugry boýunça okuw sapagy
2023-nji ýylyň 24-nji maýynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkezinde “Ykdysady diplomatiýa” ugryndan okuw sapagy geçirildi. “Türkmenistanyň energetika we ykdysady diplomatiýalarynyň özara baglanyşygy we utgaşyklygy ”atly temadan geçirilen okuw sapagyna Türkmen döwlet ykdysadyýet we dolandyryş institutynyň talyplary gatnaşdylar. Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň mugallymy Akmuhammet Jumagulyýew alyp bardy.
Sapakda energetika diplomatiýanyň häzirki döwürde halkara gatnaşyklarynyň sazlaşykly ösüşini üpjün etmekdäki wajyplygy,Türkmenistanyň daşary syýasatynyň möhüm ugry hökmünde energetika hyzmatdaşlygy ösdürmegiň mümkinçilikleri hakynda giňişleýin gürrüň berildi. Mugallymyň düşündirmegine görä, dünýä energetika ulgamynda utgaşykly hyzmatdaşlygyny alyp barmak we energiýa serişdelerini dünýä bazarlaryna ygtybarly ýetirmek meselesi halkara syýasatynyň ileri tutýan ugurlarynyň biridir. Türkmen döwleti energiýa serişdeleriniň eksportyny di¬wersifikasiýalaşdyrmak strategiýasyny ýöretmek we bu babatda köpugurly taslamalary durmuşa geçirmek bilen, uglewodorodlary dünýä bazarlaryna ygtybarly we durnukly ýetirmekligi üpjün etmek meselelerine oňyn çemeleşmegiň nusgasyny görkez¬ýär. Sapagyň barşynda şeýle hem dünýä energiýa gatnaşyklarynda ygtybarly we dur¬nuk¬ly ösüşiň üpjün edilmeginiň halkara derejesinde özara yla¬laşylan bilelikdäki hyzmatdaşlyga baglydygy bellenilip geçildi.
Duşuşygyň ahyrynda talyplaryň we mugallymyň arasynda sowal-jogaplar alşyldy.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.