«ÝAŞ TEBIGATÇY» JEMGYGYETÇILIK GURAMASYNYŇ MAKALA BÄSLEŞIGINDE TALYP MYNASYP ORUN EÝELEDI
2026-njy ýylyň 12-nji oktýabrynda «Garaşsyz, baky Bitarap Türkmenistan — bedew batly at-myradyň mekany» ýylynda Gahryman Arkadagymyzyň we Arkadagly Gahryman Serdarymyzyň ýaşlar baradaky taglymatlaryndan ugur alnyp, «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde «Ozon gatlagyny goramagyň halkara güni» mynasybetli «Näme üçin ozon gatlagyny goramak möhüm?» atly makala bäsleşigini gurady.
Bu bäsleşik ýurdumyzyň ýokary okuw mekdepleriniň talyplarynyň we umumybilim berýän orta mekdepleriniň 10–12-nji synp okuwçylarynyň arasynda geçirildi. Bäsleşigiň esasy maksady ýaşlaryň arasynda daşky gurşawy goramak, ozon gatlagynyň ähmiýetine düşünmek we tebigy baýlyklary aýawly saklamak baradaky düşünjeleri ösdürmekden ybarat boldy.
Bäsleşige ýolbaşçylyk edýän Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň mugallymy S. Nepesowa bolup, bu institutyň talyplary Myrat Maksadow we Elmira Gylyjowa bäsleşige gatnaşyp, öz taýýarlan makalalary bilen üstünlikli çykyş etdiler.
Şeýle üstünlikler ýaş nesliň Watana, tebigata we jemgyýete bolan jogapkärçiligini has-da artdyrýar.
Wepa KAKAJANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
1-nji ýyl talyby