Ýaş çaparlar «Ylham» seýilgähinde
2022-nji ýylyň 12-nji aprelinde Türkmenistanyň Daşary işler ministrliginiň Halkara gatnaşyklary institutynyň ýolbaşçylyk etmeginde «Parahatçylygyň ýaş çaparlary» atly akyl-paýhas bäsleşiginiň I saýlama tapgyrynyň 7-nji oýnunyň öňüsyrasynda oňa gatnaşyjylar üçin «Ylham» seýilgähine gezelenç gurnaldy. Okuwçylar bu ýerde türkmen halkynyň meşhur şahsyýetleri bilen tanyşdylar. Gezelenjiň dowamynda ýaş çaparlar Akgoýunly, Garagoýunly türkmen döwletiniň taryhyna degişli ýadygärlikler barada gyzykly maglumatlary öwrendiler. Esasan hem, Garagoýunly türkmen döwletiniň taryhynda uly orun alan — akylly, paýhasly Jahan şa Hakyky (1438-1467) barada berilen gyzykly gürrüňler olarda uly täsir galdyrdy. Bu täsirli gezelenç ýaş çaparlar üçin ylmy gollanma boldy.
Watanymyzyň ýaş nesilleriniň kämil bilimli, tämiz ahlakly şahsyýetler bolup ýetişmegi üçin uly tagallalary edýän hormatly Prezidentimiziň jany sag bolsun, tutýan tutumly işleri elmydama rowaçlyklara beslensin!
Orazjemal ÇARYÝAROWA,
Aşgabat şäheriniň 21-nji
ýöriteleşdirilen
terbiýeçilik - okuw mekdebiniň
10-njy synp okuwçysy.