ULAG DIPLOMATIÝA UGRY BOÝUNÇA OKUW SAPAGY
2024-nji ýylyň 3-nji ýanwarynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň gurnamagynda “Ulag diplomatiýa” ugry boýunça institutymyzyň talyplarynyň gatnaşmagynda «Demirgazyk— Günorta» we «Gündogar—Günbatar» ugurlar boýunça üstaşyr ulag geçelgeleriniň mümkinçilikleri atly temadan okuw sapagy geçirildi. Bu okuw sapagynda “Türkmenistanyň Ulag-logistika merkezi” açyk görnüşli paýdarlar jemgyýetiniň Daşary ykdysady aragatnaşyklar we şertnamalar bölüminiň baş hünärmeni Rahman Seýitli, Türkmenistanyň Daşary işler ministrliginiň Halkara gatnaşyklary institutynyň Strategik barlaglar boýunça ylmy merkeziniň ylmy işgäri Döwletmyrat Mämmedow, şeýle hem institutymyzyň Halkara ykdysady gatnaşyklary kafedrasynyň uly mugallymy Perhat Çaryýew dagylar çykyş etdiler. Hünärmenler öz çykyşlarynda häzirki döwürde «Gazagystan — Türkmenistan — Eýran» demir ýol geçelgesiniň Gündogar Aziýadan Pars aýlagy ýurtlaryna iň gysga ýolunyň açylýandygyny belläp geçdiler. Sapak sorag-jogap görnüşinde geçirildi. Okuw sapagynyň ahyrynda talyplar özlerini gyzyklandyrýan sowallara takyk jogap aldylar.
Myrat MAKSADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.