“TurkmenYouth4SDGs” atly okuw sapaklaryna badalga berildi
Birleşen Milletler Guramasynyň Ösüş Maksatnamasynyň Türkmenistandaky wekilhanasy, Türkmenistanyň Daşary işler ministrliginiň Halkara gatnaşyklary instituty bilen bilelikde 2030-njy ýyla çenli Durnukly ösüşiň ählumumy Gün tertibine Türkmenistanyň talyp ýaşlaryny çekmek maksady bilen “TurkmenYouth4SDGs” atly okuw sapaklarynyň tapgyryna başlady.
BMG-niň Türkmenistandaky wekilhanasynda 2024-nji ýylyň 8-nji aprelinde geçirilen ilkinji sessiýa Bütindünýä saglyk gününe bagyşlandy we DÖM ýetmek üçin BMGÖM-iň Türkmenistanyň Hökümeti bilen hyzmatdaşlygyna bagyşlandy.
Duşuşykda BMGÖM-iň hünärmenleri talyplara Türkmenistanda saglygy goraýyş boýunça amal edilýän taslamalar barada gürrüň berdiler. BMGÖM -iň global ymtylmalara laýyklykda milli saglyk ulgamyna girizilýän sanly tehnologiýalaryna syn berildi. Bu duşuşyk talyplarda uly täsir galdyrdy. Duşuşygyň ahyrynda talyplar özlerini gyzyklandyrýan soraglar bilen çykyş edenlere ýüzlendiler.
Jennet MYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
III ýyl talyby.