Türkmenistanyň Gyzyl Ýarymaý Milli jemgyýetiniň guramagynda okuw maslahaty geçirildi
2025-nji ýylyň 28-nji noýabrynda Türkmenistanyň Gyzyl Ýarymaý Milli jemgyýetiniň guramagynda “Milli jemgyýetiň ynsanperwerlik işinde kömekçi wezipesini goldamak” atly taslamanyň çäklerinde Türkmenistanyň Bitaraplygynyň 30 ýyllygyna bagyşlanyp, institutymyzyň halkara hukugy hünärinde bilim alýan talyplaryň we magistrleriň arasynda “Ynsanperwer Hartiýasy we ynsanperwer täsir etmegiň minimal standartlary” atly okuw maslahaty geçirildi.
Okuw maslahatyň dowamynda Ynsanperwerlik işi bilen meşgullanýanlaryň we guramalaryň bütindünýä bileleşiginiň alyp barýan işleri dogrusynda, ynsanperwer kömeginiň hilini we zyýan çeken ilata kömek bermek, ynsanperwerlik ýörelgeleriniň durmuşa ornaşdyrylmagy, kynçylyklardan ejir çekýän adamlaryň hukuklaryny we mertebesini üpjün etmek, şeýle-de kömegiň hilini we jogapkärçiligini ýokarlandyrmakdan ybarat bolup durýar.
Okuw sapagynda ynsanperwer kömegini bermegiň maksatnamalaryny meýilleşdirmek, gözegçilik etmek we baha bermek üçin gural bolmaklyga niýetlenilýän çäreleri we maksatlary uýgunlaşdyrmak barada giňişleýin gürrüň berildi.
Okuw sapagynda oňa gatnaşyjylaryň arasynda Halkara ynsanperwer hukugynyň esasy ýörelgeleri, çeşmeleri, nyşanlary hem-de tebigy betbagtçylyk döwründe raýat ilatyna kömek bermek meselelerine degişli sorag-jogap alyşmak arkaly wiktorina oýny görnüşinde jemlenildi. Wiktorina oýnunda has tapawutlanan talyplara Türkmenistanyň Gyzyl Ýarymaý Milli jemgyýeti tarapyndan ýadygärlik sowgatlar gowşuryldy.
Dürli BALLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk
öwreniş kafedrasynyň uly mugallymy.