Türkmenistanda 3-nji Durnukly ösüş maksadynyň amala aşyrylyşy boýunça onlaýn iş maslahaty
2021-nji ýylyň 16-njy fewralynda Türkmenistanda 3-nji Durnukly ösüş maksadynyň amala aşyrylyşyna bagyşlanan onlaýn iş maslahaty geçirildi. Döwletimiziň Saglygy goraýyş we derman senagaty ministrligi tarapyndan gurnalan maslahata ýurdumyzyň Saglygy goraýyş we derman senagaty ministrliginiň, Maliýe we ykdysadyýet ministrliginiň, Bilim ministrliginiň, Zähmet we ilaty durmuş taýdan goramak ministrliginiň, Statistika baradaky döwlet komitetiniň, Daşary işler ministrliginiň Halkara gatnaşyklary institutynyň, Bütindünýä Saglygy Goraýyş Guramasynyň Türkmenistandaky ýurt boýunça edarasynyň wekilleri we beýlekiler gatnaşdylar. Onda 3-nji Durnukly ösüş maksadynyň ýurt derejesinde amala aşyrylyşy boýunça taýýarlanylan hasabat ara alnyp maslahatlaşyldy.
Maslahatyň ahyrynda oňa gatnaşyjylar bu ugurda döredilýän ajaýyp mümkinçilikler üçin hormatly Prezidentimize alkyş sözlerini aýtdylar.
Gapbar HALLYÝEW,
Türkmenistanyň Daşary işler ministrliginiň
Halkara gatnaşyklary institutynyň mugallymy.