Türkmenistan – Katar : ylym-bilim hyzmatdaşlygy işjeňleşýär
2022-nji ýylyň 23-nji fewralynda Türkmenistanyň Daşary işler ministrliginiň Halkara gatnaşyklary instituty bilen Katar döwletiniň Daşary işler ministrliginiň Diplomatiýa institutynyň ýolbaşçylarynyň arasynda sanly ulgam arkaly tegelek stol maslahaty geçirildi. Maslahata Türkmenistanyň Daşary işler ministrliginiň Halkara gatnaşyklary institutyň rektory Jumamyrat Gurbangeldiýew we Katar döwletiniň Daşary işler ministrliginiň Diplomatiýa institutyň direktory Abdulaziz bin Mohamed Al-Horr, Katar Döwletiniň Türkmenistandaky Ilçihanasynyň işleri ynanylan wekili Ganem Abdulla Al-Remaihi gatnaşdylar.
Maslahatyň başynda taraplar ýokary okuw mekdepleriň alyp barýan ylym-bilim, okuw-terbiýeçilik işleri bilen özara tanyşdylar. Maslahatyň dowamynda 2017-nji ýylyň 15-nji martynda gol çekilen “Türkmenistanyň Daşary işler ministrliginiň Halkara gatnaşyklary instituty bilen Katar döwletiniň Daşary işler ministrliginiň Diplomatiýa institutynyň arasynda özara düşünişmek hakynda Ähtnamanyň” çäklerinde bu ugurlarda ikitaraplaýyn hyzmatdaşlygy ösdürmegiň meseleleri ara alnyp maslahatlaşyldy.
Maral KARLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 1-nji ýyl talyby.