TÜRKMEN TÜRGENLERINIŇ ÜSTÜNLIGI
2025-nji ýylyň 22-nji iýunynda Gyrgyz Respublikasynyň paýtagtynda
karate-do boýunça (WKF) Merkezi Aziýa çempionaty tamamlandy. Oňa
ýurdumyzyň 16 ýokary okuw mekdebinden talyplar gatnaşdylar. Bäsleşigiň birinji
gününde “kata” görnüşinde çykyş eden türkmen türgenleri 7 medal (2 altyn, 2
kümüş we 3 bürünç) gazandylar. Geçen hepdäniň dowamynda karate-donyň
“kumite” diýip atlandyrylýan görnüşinde türkmen türgenlerimiz 19 medal
gazandylar. Olaryň 7-si altyn, 4-si kümüş, 8-si bolsa bürünç medaldyr.
Bu bäsleşikde Türkmenistanyň Daşary işler ministrliginiň Halkara
gatnaşyklary institutynyň Halkara gatnaşyklary fakultetiniň 4-nji ýyl talyby
Nazmyradow Dawut II orna, Halkara ykdysady gatnaşyklary fakultetiniň 2-nji ýyl
talyby Atajanow Rasul III orna mynasyp boldy.
Bu netijeler türkmen türgenleriniň Watanymyzyň abraýynyň belende
göterilmegine goşant goşýandyklarynyň aýdyň subutnamasydyr. Bu üstünlikler
hormatly Prezidentimiziň türkmen sporty bilen meşgullanýan ýaşlaryň bähbidine
edýän tagallalarynyň miwesidir.
Seýitmuhammet GURBANGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
I ýyl talyby.