TÜRKIÝE RESPUBLIKASYNYŇ WEKILIÝETINIŇ SAPARY
2025-nji ýylyň 8-nji aprelinde Türkiýäniň Dașary ýurtlardaky türkler we garyndaş jemgyýetler edarasynyň başlygy Abdullah Ereniň ýolbaşçylygyndaky wekiliýet Türkmenistanyň Daşary ișler ministrliginiň Halkara gatnaşyklary institutyna gelip, institutyň ýolbaşçy düzümi bilen duşuşyk geçirdi. Onuň dowamynda wekiliýet türkmen diplomatiýasynyň milli mekdebiniň alyp barýan iși bilen içgin tanyşdylar.
Soňra wekiliýet institutda hereket edýän Türkmen diplomatiýasynyň taryhy muzeýi, Hindi burçy, “Parahatçylyk medeniýeti” atly ÝUNESKO kluby, şeýle-de institutyň okuw studiýasyna aýlandylar.
Türkiýäniň Dașary ýurtlardaky türkler we garyndaş jemgyýetler edarasynyň başlygynyň ýolbaşçylygyndaky wekiliýetiň bu sapary iki doganlyk halkyň arasynda alnyp barylýan hoşniýetli gatnaşyklaryny ösdürmekde uly orun eýelär.
Taňryguly GELDIMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
II ýyl talyby
Bu barada şu ýerden hem okap bilersiňiz: https://www.orient.tm/tm/post/83666/turkiye-respublikasynyn-wekiliyeti-bilen-halkara-gatnasyklary-institutynda-dususyk-gecirildi