SUW DIPLOMATIÝASY BOÝUNÇA TEJRIBE SAPAGY GEÇIRILDI
2026-njy ýylyň 27-nji fewralynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň Suw diplomatiýasy ugrundan «Türkmen diplomatiýasynyň möhüm ugry – suw diplomatiýasy» atly tema boýunça tejribe sapagy geçirildi. Ony Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň uly mugallymy Merjen Gurbannazarowa alyp bardy.
Sapagyň dowamynda mugallym hormatly Prezidentimiziň öňe sürýän döwlet syýasatynyň möhüm ugurlary ýagny, daşky gurşawy goramak, tebigata aýawly garamak, geljekki nesiller üçin onuň baýlyklaryny gorap saklamak, türkmen halkynyň durmuşynyň oňaýly şertlerini döretmek üçin ýer-suw serişdelerinden oýlanyşykly peýdalanmak, Durnukly ösüş maksatlaryna ýetmekde dünýä jemgyýetçiliginiň tagallalaryny birleşdirmek bilen bagly maglumatlary gürrüň berdi hem-de geljekki okuw sapaklaryna prezentasiýalary, maglumatlary taýýarlamak boýunça ýumuşlary tabşyrdy.
Talyplar üçin suw diplomatiýasy ugrundan tejribe sapagy örän täsirli boldy. Munuň özi talyplaryň bu ugurdan alýan bilimlerini ýokarlandyrmaga uly itergi berer.
Bikejemal ANNANUROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.