SUW DIPLOMATIÝASY BOÝUNÇA OKUW SAPAGY GEÇIRILDI
2025-nji ýylyň 17-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň Suw diplomatiýasy ugry boýunça “Birleşen Milletler Guramasynyň Deňze çykalgasy bolmadyk ösüp barýan döwletleriň üçünji maslahatynyň halkara ähmiýeti” atly tema boýunça okuw sapagy geçirildi.
Bu okuw sapagyny Türkmenistanyň Hazar deňzi institutynyň Hukuk işgärler we ýörite işler müdirliginiň başlygynyň orunbasary Gülşirin Çarygulyýewa alyp bardy. Okuw sapagynyň dowamynda Birleşen Milletler Guramasynyň Deňze çykalgasy bolmadyk ösüp barýan ýurtlar boýunça üçünji maslahatynda kabul edilen Awaza syýasy Jarnamanyň ähmiýeti barada giňişleýin gürrüň edildi.
Sapagyň ahyrynda talyplar özlerini gyzyklandyrýan sowallar dogrusynda hünärmen bilen sorag-jogap arkaly pikir alyşdylar.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.