SURAT ÇEKMEK BÄSLEŞIGI GEÇIRILDI
2026-njy ýylyň 30-njy aprelinde «Garaşsyz, baky Bitarap Türkmenistan – bedew batly at-myradyň mekany» ýyly diýlip yglan edilmegi mynasybetli Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň «Ýaş hukukçylar» ylmy gurnagynyň guramagynda talyp ýaşlaryň arasynda «Ahalteke bedewleri – taryhyň altyn sahypasy» atly surat çekmek bäsleşigi geçirildi.
Bäsleşik institutymyzyň Halkara hukugy fakultetiniň 1-nji ýyl talyplarynyň arasynda geçirilip, talyplar uly işjeňlik bilen gatnaşdylar. Bu döredijilikli çäräniň esasy maksady talyp ýaşlaryň arasynda türkmen milli bedewine bolan söýgini we buýsanjy artdyrmak, ahalteke bedewleriniň dünýä medeniýetindäki ornuny dabaralandyrmak hem-de ýaşlaryň sungata, fotosuratçylyga bolan ukyplaryny ýüze çykarmakdan ybarat boldy. Bäsleşige hödürlenen fotosuratlarda türkmen bedewiniň gözelligi, çalasynlygy we wepalylygy ýokary çeperçilik bilen beýan edildi.
Emin agzalary tarapyndan işleriň özboluşlylygy we mowzuklaýyn mazmuny öwrenilip, bäsleşigiň netijeleri boýunça iň ýokary ussatlyk görkezen toparlar ýeňiji diýlip yglan edildi. Ýeňijilere we bäsleşige gatnaşan işjeň talyplara Hormat hatlary hem-de ýadygärlik sowgatlary dabaraly ýagdaýda gowşurylyp, olaryň geljekki ylmy we döredijilikli işlerinde täze üstünlikler arzuw edildi.
Rysgal ANNAORAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby.