Sanly ulgam arkaly webinar geçirildi
2025-nji ýylyň 23-nji iýunynda Türkmenistanyň Daşary işler ministrliginiň
Halkara gatnaşyklary institutynyň guramagynda hemişelik Bitaraplygymyzyň şanly
30 ýyllygy, şeýle hem BMG-niň Baş Assambleýasy tarapyndan 2025-nji ýylyň
«Halkara parahatçylyk we ynanyşmak ýyly» diýlip yglan edilmegi mynasybetli hem-
de bu ugurda alnyp barylýan işlerde ýaşlaryň eýeleýän ornuna bagyşlanan webinar
geçirildi. Oňa institutyň talyp ýaşlary hem-de sanly ulgam arkaly Türkmenistanyň
ýokary we orta hünär okuw mekdepleriniň talyplarydyr mugallymlary gatnaşdylar.
Sanly ulgam arkaly geçirilen webinarda Türkmenistanyň Daşary işler
ministrliginiň Halkara gatnaşyklary institutynyň Halkara ykdysady gatnaşyklary
kafedrasynyň uly mugallymy Rahym Bäşimow “Bütindünýä söwda guramasynyň
halkara hyzmatdaşlygy” atly tema boýunça çykyş etdi.
Çykyşynyň dowamynda mugallym ýurdumyzda amala aşyrylýan ykdysady
özgertmeleriň milli kanunçylygyň halkara hukugynyň umumy ykrar edilen kadalary
bilen sazlaşykly dolandyrylmagynyň aýratynlyklary, dünýä ykdysadyýetiniň ösüş
meýilleri, bu ugurda Türkmenistanyň orny, sanly tehnologiýalaryň gündelik
durmuşymyza güýçli depginlerde ornaşdyrylmagy, ýurdumyzyň ykdysady
pudaklaryny bazar gatnaşyklary esasynda döwrebaplaşdyrylmagy ugrunda alnyp
barylýan işler barada anyk mysallaryň üsti bilen giňişleýin gürrüň berdi.
Aýgözel GAÝYPJANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.