Şahadatnamalar gowşuryldy
2021-nji ýylyň 8-nji iýulynda Türkmenistanyň Daşary işler ministrliginiň Halkara gatnaşyklary institutynyň Türkmenistanyň Diplomatik gullugy üçin administratiw-tehniki işgärleri taýýarlamak boýunça okuw merkezinde “Diplomatik poçta we hat alşygy” we “Iş dolandyryjylyk” ugurlaryndan gysga wagtlaýyn okuwy tamamlan diňleýjilere degişli şahadatnamalary gowşuryş dabarasy geçirildi. Oňa Halkara gatnaşyklary institutynyň professor-mugallymlary hem-de okuw merkezini tamamlan diňleýjiler gatnaşdy.
Dabarada institutyň okuw işleri boýunça prorektory Gülşat Ýusupowa uçurymlary gutlap, olara milli ykdysadyýetimiziň dürli ugurlarynda üstünlikli zähmet çekmegi arzuw etdi. Dabaranyň barşynda institutyň Jemgyýeti öwreniş ylymlary kafedrasynyň müdiri, filosofiýa ylymlarynyň kandidaty Ogulgurban Ezimowa hem-de Halkara ykdysady gatnaşyklary kafedrasynyň uly mugallymy Bazar Mesow gutlag sözi çykyş etdiler. Dabaranyň ahyrynda uçurymlar bilim beren mugallymlara hoşallyk sözlerini aýtdylar.
Rahym ŞAMEÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy
fakultetiniň I ýyl talyby.