Parahatçylygyň ýaş çaparlary bilen umumy okuw sapagy geçirildi
2022-nji ýylyň 28-nji ýanwarynda Türkmenistanyň Daşary işler ministrliginiň Halkara gatnaşyklary institutynda “Parahatçylygyň ýaş çaparlary” akyl-paýhas bäsleşiginiň 2022-nji ýylyň 15-nji fewralynda geçiriljek I saýlama tapgyrynyň 4-nji oýnuna gatnaşyjylar bilen umumy okuw sapagy geçirildi. Bu okuw sapagynda Türkmenistanyň Ylymlar akademiýasynyň ylmy işgäri J.Orazgylyjow «Seljuklaryň diplomatiýasy we olaryň diplomatik däpleri» temasy boýunça gürrüň berdi. Täsirli geçen bu okuw sapagynda mekdep okuwçylary özlerini gyzyklandyrýan sowallaryna jogap aldylar. Şeýle hem bu okuw sapagy akyl-paýhas bäsleşigine gatnaşmaga hukuk gazanan mekdep okuwçylary üçin diýseň peýdaly boldy.
Arslan SYÝAHATOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.
Şeýle hem, bu habary aşakdaky saýtlar boýunça okap bilersiňiz.