“Milli mirasymyzy goramak babatynda ýaşlaryň orny”atly wideo sapagy
2023-nji ýylyň 28-nji aprelinde Türkmenistanyň Daşary işler ministrliginiň Halkara gatnaşyklary institutynda “Arkadag Serdarly bagtyýar ýaşlar” ýyly mynasybetli “Milli mirasymyzy goramak babatynda ýaşlaryň orny” atly wideo arkaly okuw sapagy geçirildi. Okuw sapagyna institutyň talyplary we mugallymlary gatnaşdylar.
Okuw sapagynyň dowamynda milli mirasymyz bolan taryhy ýadygärlikleri, ruhy gymmatlyklarymyz bolan ajaýyp çeper eserleri öwrenmekde we goramakda ýaşlaryň orny, bu ugurda kämil hünärmenleri ýetişdirmek meseleleri barada gürrüň edildi.
Allaberdi ANNALYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.