Merkezi Aziýanyň parahatçylykly we durnukly ösüşi üçin ileri tutulýan ugurlary boýunça halkara maslahaty
2022-nji ýylyň 30-njy maýynda Merkezi Aziýanyň Halkara institutynyň, Türkmenistanyň Daşary işler ministrliginiň Halkara gatnaşyklary institutynyň hem-de bu institutda hereket edýän Strategik barlaglar boýunça ylmy merkeziniň gurnamagynda «Merkezi Aziýanyň parahatçylykly we durnukly ösüşi üçin ileri tutulýan ugurlary: Özbegistanyň we Türkmenistanyň çemeleşmeleri» atly onlaýn görnüşinde halkara maslahaty geçirildi.
Maslahat iki bölümden ybarat bolup, birinji bölüminde häzirki zaman şertlerinde Merkezi Aziýa üçin kynçylyklar we howplar, ikinji bölüminde bolsa Özbegistanyň we Türkmenistanyň arasyndaky özara gatnaşyklaryň ileri tutulýan ugurlary parahatçylykly we durnukly ösüşi üpjün etmek meseleleri boýunça Merkezi Aziýanyň Halkara institutynyň, Türkmenistanyň Daşary işler ministrliginiň Halkara gatnaşyklary institutynyň hem-de bu institutda hereket edýän Strategik barlaglar boýunça ylmy merkeziniň wekilleri çykyş etdiler.
Bu maslahat Özbegistanyň we Türkmenistanyň bilermen-seljeriş we gözleg jemgyýetleriniň arasynda pikir alyşmak üçin platforma bolup hyzmat eder.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.
Şeýle hem bu barada şu ýerden okap bilersiňiz!