Ilçi bilen geçirilen duşuşyk
2023-nji ýylyň 15-nji fewralynda Türkmenistanyň Daşary işler ministrliginiň Halkara gatnaşyklary institutynda Aşgabat şäherine ynanç hatyny gowşurmak maksady bilen iş saparyna gelen Şwesiýa Patyşalygynyň Adatdan daşary we Doly ygtyýarly Ilçisi Tomas Danestad bilen Halkara gatnaşyklary institutynyň Strategik barlaglar boýunça ylmy merkeziniň başlygy Şiri Şiriýewiň arasynda duşuşyk geçirildi.
Duşuşygyň baryşynda myhman Strategik barlaglar boýunça merkeziň alyp barýan işleri bilen tanyşdyryldy. Şeýle hem duşuşykda iki ýurduň arasyndaky dostlukly gatnaşyklaryň yzygiderli ösdürilýändigi, ylym-bilim, medeniýet pudaklarynda hyzmatdaşlygyň has-da giňeldilýändigi bellenilip geçildi. Şwesiýa Patyşalygynyň diplomatiýa we bilim ulgamy bilen Strategik barlaglar merkeziniň arasynda gatnaşyklary ösdürmegiň meseleleri boýunça pikir alşyldy.
Şamyrat AŞYRMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.