Iki dostlukly ýurduň arasyndaky energetika meseleleri boýunça okuw sapagy
2022-nji ýylyň 23-nji dekabrynda Türkmenistanyň Daşary işler ministrliginiň Halkara gatnaşyklary institutynda döredilen Türkmenistanyň diplomatiýasynyň möhüm ugurlary boýunça okuw Merkezinde "Energetika diplomatiýasy” ugry boýunça Türkmenistanyň Belarus Respublikasyndaky Adatdan daşary we Doly ygtyýarly Ilçisi Nazarguly Şagulyýewiň, şeýle-de institutyň talyplarynyň gatnaşmagynda täsirli okuw sapagy geçirildi.
Hormatly Ilçi Nazarguly Şagulyýew okuw sapagynyň dowamynda energiýa serişdelerinden netijeli peýdalanmak boýunça iki ýurduň arasynda alnyp barylýan möhüm işler barada giňişleýin gürrüň berdi. Şeýle hem iki döwletiň hyzmatdaşlygynyň ileri tutulýan ugurlary bolan ýangyç we energetika serişdelerini tygşytly we netijeli peýdalanmak, Durnukly ösüş maksatlaryna ýetmekde dünýä jemgyýetçiliginiň tagallalaryny birleşdirmek ugrunda eýýäm birnäçe ýyllardan bäri uly işleriň durmuşa geçirilýändigi barada dürli mysallary getirmek arkaly giňişleýin gürrüň berdi. Ýene-de şu ýylda möhüm ähmiýetli wakalaryň biri bolan Türkmenistan bilen Türkmenistanyň Belarus Respublikasynyň arasynda diplomatik gatnaşyklaryň ýola goýulmagynyň 29 ýyllygy barada nygtady.
Okuw sapagynyň dowamynda Türkmenistanyň GDA çäklerindäki halkara hyzmatdaşlygynyň ösüşi barada köptaraplaýyn çykyş edildi. Energetika diplomatiýasynyň meseleleri çözülende halkara hukugyň umumy kabul edilen kadalaryna laýyklykda, ähli ýurtlary bähbitlerini nazara tutmagyň zerurdygy nygtaldy. Türkmenistanyň Belarus Respublikasyndaky Ilçisi bilen geçirilen okuw sapagy talyplaryň energetika diplomatiýasy baradaky bilimlerini artdyrmaga uly ýardam berdi. Bu okuw sapagy talyplar üçin örän uly täsir galdyrdy.
Zebo JORAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.