HORMATLY MYHMAN BILEN DUŞUŞYK
2024-nji ýylyň 19-njy fewralynda Türkmenistanyň Daşary işler ministrliginiň Halkara gatnaşyklary institutynda Meksikanyň Birleşen Ştatlarynyň Türkmenistandaky Adatdan daşary we Doly ygtyýarly Ilçisi (oturýan ýeri – Ankara ş.) Hose Luis Martines Ernandes bilen duşuşyk geçirildi. Oňa Milli diplomatiýanyň ýokary okuw mekdebiniň we Halkara ynsanperwer ylymlary we ösüş uniwersitetiniň professor mugallymlary we talyp ýaşlary gatnaşdylar.
Duşuşygyň barşynda hormatly Ilçi Türkmenistan bilen Meksikanyň Birleşen Ştatlarynyň arasyndaky syýasy-diplomatik, söwda-ykdysady, medeni-ynsanperwer ugurlar boýunça ýetilen sepgitler we durmuşa geçirilen işler barada, şeýle hem özüniň baý iş we durmuş tejribesi hakda gyzykly gürrüňler berdi.
Täsirli geçen duşuşygyň ahyrynda talyplar Ilçä özlerini gyzyklandyrýan soraglary berdiler. Duşuşykdan soňra jenap Ilçi institutyň Türkmen diplomatiýasynyň taryhy müzeýi bilen ýakyndan tanyş boldy.
Döwletýar ARÇAMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.
Bu barada şu ýerde hem okap bilersiňiz: