Halkara gatnaşyklarynda medeni diplomatiýanyň orny
2021-nji ýylyň 3-nji noýabrynda Türkmenistanyň Daşary işler ministrliginiň Halkara gatnaşyklary institutynyň hem-de Maýa Kulyýewa adyndaky Türkmen milli konserwatoriýasynyň mugallymlarynyň we talyplarynyň gatnaşmaklarynda «Halkara gatnaşyklarynda medeni diplomatiýanyň orny» atly okuw maslahaty geçirildi. Okuw maslahatynyň dowamynda Hormatly Prezidentimiziň «Türkmen medeniýeti», «Türkmenistan – Bitaraplygyň mekany», «Garaşsyzlyk – bagtymyz» atly kitaplarynda beýan edilýän medeni gatnaşyklaryň oňyn taraplary barada giňişleýin bellenip geçirildi.
Medeniýetiň üsti bilen türkmеniň gadymy däp-dessuryny öwrenip bolýar. Bu ýerde adamzadyň maddy hem-de maddy däl medeni gymmatlyklarynyň aýratyn orny bardyr. Şu jähetden hem, BMG-niň bilim, ylym we medeniýet boýunça guramasynyň (ÝUNESKO) adamzadyň maddy däl medeni mirasynyň sanawyna «Küştdepdi» tansynyň girizilmeginiň ähmiýeti, onuň adamyň saglygy üçin peýdasy barada hem aýratyn bellenildi. Okuw maslahatynyň ahyrynda oňa gatnaşanlar medeni gatnaşyklaryň giňeldilmegine goşant goşýan Gahryman Arkadagymyzyň adyna alkyş sözleri aýdyldy.
Aýnur ŽANAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby