GÖNI WIDEOARAGATNAŞYK ARKALY GEÇIRILEN DUŞUŞYK
2022-nji ýylyň 20-nji oktýabrynda Merkezi Aziýa ýurtlarynyň ulag-logistika infrastruktura ýagdaýyna we olaryň ösüşiniň mümkinçiliklerine bagyşlanan göni wideoaragatnaşyk arkaly maslahat geçirildi. Özbek wekiliýetiniň gurnamagynda geçen bu maslahata täjik, gyrgyz, gazak taraplarynyň we Türkmenistanyň Daşary işler ministrliginiň Halkara gatnaşyklary institutynyň Strategik barlaglar boýunça ylmy merkeziniň wekilleri gatnaşdylar.
Göni wideoaragatnaşyk arkaly geçirilen maslahatyň dowamynda Merkezi Aziýa ýurtlarynyň daşary söwda dolanyşygynyň, harytlaryň eksportynyň we importynyň artýan şertlerinde döwrebap logistika ulgamyny ýola goýmagyň möhüm meseleleriň hatarynda garalýandygy bellenilip geçildi. Şeýle-de çykyşlaryň dowamynda türkmen wekili tarapyndan harytlaryň döwletara daşalmagy üçin bähbitli logistik ulgamynyň iş ýüzünde durmuşa ornaşdyrylmagynyň ulag harajatlarynyň azaldylmagyna we netijede Merkezi Aziýa ýurtlarynda öndürilýän harytlaryň bahasynyň bäsleşige ukyply bolmagyna mümkinçilik döredýändigi, munuň bolsa sebitdäki döwletleriň durmuş-ykdysady ösüşiniň ähmiýetli faktoryna öwrülýändigi bellenildi.
Aýlar ATAJYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.