Durnukly ösüş maksatlary boýunça geçirilen okuw sapagy
2025-nji ýylyň 3-nji iýunynda Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkezinde okuw sapagy geçirildi. Okuw sapagyny Türkmenistanyň Daşary işler ministrliginiň Halkara guramalary departamentiniň birinji sekretary Feride Muradowa alyp bardy we oňa DÖM merkeziniň agzalary gatnaşdylar.
Okuw sapagynyň dowamynda F.Muradowa häzirki wagtda dürli halkara guramalaryň, hususan-da BMG-niň 2030-njy ýyla çenli Durnukly ösüş maksatlaryna ýetmek babatda alyp barýan işi, onuň düzüm birlikleri, işleýiş mehanizmi barada giňişleýin gürrüň berdi. Sapagyň dowamynda Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkeziniň Gündogar Ýewropa we Merkezi Aziýa sebitinde bu ugurda döredilen ilkinji merkezdigine aýratyn üns çekildi.
Geçirilýän şeýle okuw sapaklary öz täsirliligi bilen tapawutlanyp, talyplaryň arasynda uly gyzyklanma eýe bolýar.
Şamuhammet ELÝASOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.