BMG-niň Merkezi Aziýa üçin Öňüni alyş diplomatiýasy boýunça sebitleýin merkezinde howanyň üýtgemegine bagyşlanan okuw sapagy
2023-nji ýylyň 5-nji sentýabrynda Birleşen Milletler Guramasynyň Merkezi Aziýa üçin Öňüni alyş diplomatiýasy boýunça sebitleýin merkezinde Beýik Britaniýanyň Türkmenistandaky ilçihanasy bilen BMG-niň Merkezi Aziýa üçin Öňüni alyş diplomatiýasy boýunça sebitleýin merkezi tarapyndan howanyň üýtgemegine bagyşlanan okuw sapagy gurnaldy. Bu okuw sapagyna Beýik Britaniýanyň Türkmenistandaky ilçihanasynyň wekilleri, BMG-niň Merkezi Aziýa üçin Öňüni alyş diplomatiýasy boýunça sebitleýin merkeziniň wekilleri, DÖM-iň ýaş ilçileri we Öňüni alyş diplomatiýasy akademiýasynyň okuwçylary gatnaşdylar. Okuw sapagynyň dowamynda sebitdäki howanyň üýtgemegi we onuň netijeleri baradaky meseleler ara alnyp maslahatlaşyldy, sebitiň ýurtlarynyň Öňüni alyş diplomatiýasy akademiýasynyň okuwçylarynyň ady agzalan mesele boýunça çykyşlary diňlenildi.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby,
Durnukly Ösüş Maksatlarynyň Ýaş ilçisi.