Aşgabat çeper halyçylyk kärhanasyna gezelenç
2024-nji ýylyň 13-nji martynda Türkmenistanyň Daşary işler ministrliginiň Halkara gatnaşyklary institutynyň “Parahatçylyk medeniýeti” atly ÝUNESKO klubynyň agzalary “Türkmenhaly” döwlet birleşiginiň Aşgabat çeper halyçylyk kärhanasyna baryp gördüler. Bu ýerde talyplar türkmen zenanlarynyň on barmagynyň hünäri hasaplanylýan nepis halylarymyzyň dokalyşy bilen ýakyndan tanyşdylar. Şeýle-de haly fabriginde zähmet çekýän çeper elli zenanlaryň ene - mamalarymyzdan miras galan halynyň inçe syrlary hakynda beren gyzykly gürrüňlerini diňlediler. Bilşimiz ýaly, 2019-njy ýylda türkmen milli halyçylyk sungaty ÝUNESKO-nyň Adamzadyň maddy däl medeni mirasynyň sanawyna girizildi.
Aýgözel AŞIROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa kafedrasynyň
öwreniji mugallymy.