YKDYSADY DIPLOMATIÝA BOÝUNÇA MÖWSÜMLEÝIN OKUWLAR TAMAMLANDY
2024-nji ýylyň 29-njy iýunynda Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça okuw merkezinde “Ykdysady diplomatiýa” ugry boýunça 2023-2024-nji okuw ýylynyň II ýarymýyllygynyň jemleýji okuw sapagy geçirildi. Bu okuw sapagyna institutyň Halkara ykdysady gatnaşyklary kafedrasynyň uly mugallymy Perhat Çaryýew hem-de degişli talyp ýaşlar gatnaşdylar.
Okuw sapagynyň dowamynda mugallym Ykdysady diplomatiýa – Türkmenistanyň daşary syýasatynyň esasy ugurlarynyň biri bolup durýandygyny bellemek bilen, ykdysady diplomatiýamyzyň taryhy, şu güni we geljegi hakynda anyk mysallar arkaly gürrüň berdi.
Jemleýji okuw sapagynyň ahyrynda Türkmenistanyň diplomatiýasynyň möhüm ugurlary boýunça okuw merkezinde “Ykdysady diplomatiýa” ugry boýunça möwsümleýin okuwlaryň tamamlanmagy mynasybetli oňa gatnaşyjylara degişli Şahadatnamalar gowşuryldy.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.