Talyplyk — ýaşlygyň bahary
Ýaşlyk ýyllarynda, hususan-da, orta mekdebi tamamlan islendik ynsanyň öňünde goýýan baş maksady belli bir käriň eýesi bolmak, hünär öwrenmek bolsa gerek. Şundan ugur alsak, bu günki günde türkmen ýaşlary Arkadagly Gahryman Serdarymyzyň daşyna mäkäm jebisleşip, belent maksatlara tarap ynamly öňe barýan eziz Diýarymyzda okaýarlar, döredýärler, özlerine bildirilýän ýokary ynama mynasyp jogap bermäge çalyşýarlar. Muňa 2024-2025-nji okuw ýylynda ýurdumyzyň ýokary we orta hünär okuw mekdeplerine zehinli ýaşlaryň müňlerçesiniň kabul edilmegi aýdyň şaýatlyk edýär. Biz hem talyp bolmak bagty miýesser eden ýaşlaryň käbiriniň ýürek buýsançlaryny okyjylarymyza ýetirmegi makul bildik.
Aýlar JUMAÝEWA,
Türkmenistanyň Daşary işler ministrliginiň Halkara gatnaşyklary institutynyň 1-nji ýyl talyby:
— Türkmen halkynyň Milli Lideri Gahryman Arkadagymyzyň ýörite Karary esasynda Türkmenistanyň Daşary işler ministrliginiň Halkara gatnaşyklary institutynyň düzüminde döredilen Ýaş diplomatlaryň mekdebiniň guramagynda 2024-nji ýylda mekdep okuwçylarynyň arasynda geçirilen «Parahatçylygyň ýaş çaparlary» atly akyl-paýhas bäsleşiginiň III möwsüminiň baş baýragyna hem-de göçme kuboga mynasyp boldum. Şeýle hem geçen okuw ýylynda «Altyn asyryň altyn zehinleri» atly ders bäsleşiginiň welaýat tapgyrynda iňlis dili dersi boýunça 3-nji orna mynasyp bolmagy başardym. Bu ýyl bolsa talyplyk bagty miýesser etdi. Biz — ýaşlara giň mümkinçilikleri döredip berýän Gahryman Arkadagymyzyň hem-de hormatly Prezidentimiziň janlary sag, ömürleri uzak bolsun, beýik işleri rowaçlyklara beslensin!
«Nesil».
Çeşme: "Nesil" gazeti - 26.08.2024 ý. // https://www.turkmenmetbugat.gov.tm/tk/newspapers/7/articles/160819