TALYP DEŇ-DUŞYMYZYŇ ÜSTÜNLIGI
2023-nji ýylyň 17-nji fewralynda Türkmen döwlet binagärlik-gurluşyk institutynda Türkmenistanyň ýokary okuw mekdepleriniň talyplarynyň arasynda kompýuter grafikasy, himiýa, ýokary matematika derslerinden bäsleşik geçirildi. «Türkmenistanda sanly ykdysadyýeti ösdürmegiň 2021 – 2025-nji ýyllar üçin döwlet Maksatnamasyny», «Türkmenistanda sanly bilim ulgamyny ösdürmegiň Konsepsiýasyny» durmuşa ornaşdyrmagyň çäklerinde geçirilen bu ýaryşa ýurdumyzyň ýokary okuw mekdepleriniň talyplary, şol sanda biziň Halkara gatnaşyklary institutymyzyň talyp ýaşlary hem gatnaşdylar.
Bäsleşikde ýurdumyzyň ýokary okuw mekdeplerinden toparlaýyn birinji orna talyplaryň 6-sy, ikinji orna 9-sy, üçünji orna hem 9-sy mynasyp boldular. Biziň institumyzyň Halkara žurnalistikasy fakultetiniň I ýyl talyby Geldimyrat Tagyýew bolsa 3-nji orun eýelemegi başardy.
Ýaryşda üstün çykan talyplara Hormat hatlary we gymmat bahaly sylaglar gowşuryldy.
Zibagözel HALLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.