Akylly şäheriň çagalar sagaldyş-dikeldiş merkezi
Ahal welaýatynyň dolandyryş merkezi bolan Arkadag şäherinde, halkara ülňülere doly laýyk gelýän birnäçe lukmançylyk merkezi guruldy, şeýle hem ilkinji “akylly” şäher ─ Arkadag şäheriniň saglygy goraýyş ulgamynyň desgalary iň ýokary halkara ülňülerinede laýyk gelýär.Has takygy, 2023-nji ýylyň 29- njy iyunynda Türkmen halkynyň Milli Lideri, Gahryman Arkadagymyzyň tagallalary bilen täze şäherde welaýat saglygy goraýyş bölümi, 350 orunlyk köpugurly hassahana, 150 orunlyk onkologiýa merkezi, 150 orunlyk enäniň we çaganyň saglygyny goraýyş merkezi we tiz kömek merkezleri guruldy.
Saglygy goraýyş edaralarynyň arasynda Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň adyny göterýän çagalar sagaldyş-dikeldiş merkezi aýratyn ähmiýete eýedir.
«Täze merkeziň açylmagy howandarlyga mätäç çagalara kömek etmek boýunça işleriň gerimini ep-esli giňeltmäge mümkinçilik berer. Bu ugurdaky maksatlaýyn işler diňe güýçlendiriler. Munuň üçin döwletiň hem, Gaznanyň hem ýeterlik serişdeleri bar» — diýip, Gahryman Arkadagymyz Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň ikinji mejlisiniň barşynda hem belläp geçipdi.
Şeýlelikde, özünde birnäçe desgalary birleşdirýän Gurbanguly Berdimuhamedow adyndaky çagalar sagaldyş-dikeldiş merkezi täze şäheriň durmuş düzüminiň möhüm bölegi bolup durýar. Geljekde hem bu merkez çagalaryň saglygynyň dikeldilmegine şeýle hem howandarlygyna kömek eder. Häzirki wagtda ösüşlerden ösüşlere barýan mähriban Watanymyzda ýaş nesliň döwrebap, kämil bilim al¬magy, eşretli durmuşyň hözürini görüp ýaşamagy üçin giň mümkinçilikleri döredip berýän Türkmen halkynyň Milli Lideri, Gahryman Arkadagymyza, Arkadagly Serdarymyza al¬kyşly sözlerimizi aýdýarys! Goý, Gahryman Arkadagymyzyň, Arkadagly Serdarymyzyň janlary sag, belent başlary aman, tutýan tutumly işleri elmydama rowaç bolsun!
Aýjahan GULHANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 2-nji ýyl talyby.