Žurnalistika dünýäsine syýahat
2022-nji ýylyň 27-nji maýynda Türkmenistanyň Daşary işler ministrliginiň Halkara gatnaşyklary institutynda Ýaş diplomatlaryň mekdebiniň agzalary üçin institutyň okuw studiýasy, «Ýaş diplomatyň sesi» elektron gazetiniň redaksiýasy bilen tanyşlyk gurnaldy. Bu ýerde ýaş çaparlara institutyň mugallymlary okuw studiýasynyň, redaksiýasynyň işiniň gurluşy, maddy tehnologik binýady dogrusynda gürrüň berdiler.
Şol gün mekdep okuwçylary üçin «Žurnalistikada kämillige ýetmegiň ýollary» temasy boýunça okuw sapagy hem geçirildi. Sapagyň dowamynda Türkmenistanyň Daşary işler ministrliginiň Halkara gatnaşyklary institutynyň Žurnalistikanyň nazaryýeti we amalyýeti kafedrasynyň mugallymlary çykyş etdiler. Çykyşlarda her bir žurnalistiň özünde kemala getirmeli ukyp-başarnyklary hakynda aýdyldy.
Babahan EÝEBERENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.