ZENAN EDEBINE BAGYŞLANAN WAGYZ-NESIHAT DUŞUŞYGY
2026-njy ýylyň 22-nji aprelinde Türkmenistanyň Daşary işler ministrliginiň Halkara gatnaşyklary institutynda “Garaşsyz, baky Bitarap Türkmenistan – bedew batly at-myradyň mekany ýylynda” hormatly Prezidentimiziň, türkmen halkynyň Milli Lideri Gahryman Arkadagymyzyň alyp barýan ýurt bähbitli, halk ähmiýetli, içeri we daşary syýasatyny, eziz Diýarymyzyň ýeten belent sepgitlerini, halkara abraýyny, bedew batly ösüşlerini hem-de pederlerimizden miras galan milliligimizi, däp-dessurlarymyzy, edep-terbiýäni, maşgala mukaddesligini, döwletli durmuşymyzy ýokary okuw mekdeplerinde zähmet çekýän zenanlaryň we okaýan talyp gyzlaryň arasynda wagyz etmek maksady bilen “Ornuňyz tördedir sarpaňyz belent, ýaşaýşa ýarandyr mährem zenanlar” atly wagyz-nesihat duşuşygy geçirildi.
Bu duşuşyga Türkmenistanyň Zenanlar birleşiginiň Merkezi Geňeşiniň, Türkmenistanyň Bilim ministrliginiň, Türkmenistanyň Saglygy goraýyş we derman senagaty ministrliginiň wekilleri, şeýle hem Türkmenistanyň Daşary işler ministrliginiň Halkara gatnaşyklary institutynyň zenan mugallymlary we talyp gyz-gelinleri gatnaşdylar.
Çykyş edenler wagyz-nesihat duşuşygynda talyp ýaşlarda sagdyn durmuş ýörelgelerini terbiýelemek, türkmen jemgyýetiniň binýady bolan maşgala mukaddesligini gorap saklamak we hormatlamak, pederlerimizden miras galan milliligimiz, däp-dessurlarymyz, şeýle-de zenany bezeýän beýik adamkärçilik häsiýetleri dogrusynda bellediler.
Duşuşygyň ahyrynda oňa gatnaşyjylar ýurdumyzyň gülläp ösmegi ugrunda bimöçber işleri durmuşa geçirýän Gahryman Arkadagymyza, Arkadagly Gahryman Serdarymyza özleriniň sagbolsunlaryny aýtdylar.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.